АҞӘА, лаҵара 13 – Sputnik. Тҟәарчалтәи аџьармыкьа аиҭашьақәыргыларатә усурақәа актәи ахәҭа 99% рҟынӡа инагӡоуп, абри атәы Sputnik арадио аҟны иҳәеит араион ахада Исидор Дочиа.
Дочиа иажәақәа рыла, ахыбра зегьы аиҭашьақәыргылара 22 милл ақәхарџьын. Аҩбатәи аетап аан аџьармыкьа аҵакыраҟны игылоу аҿхышәқәа ықәыргоит, ҿыц иргылахоит афатәи амаҭәеи ахьырҭиуа 20-20 дәқьан.
Ауснагӡатәқәа ҩ-хәҭакны еихшоуп. Хәҭак ҳазҭоу ашықәс азы инагӡахоит, егьи иааиуа ашықәс азы.
Дочиа иажәақәа рыла, ихыбу аџьармыкьа аҩнуҵҟа 150 усутә ҭыԥ ҟалоит.