АҞӘА, лаҵара 16 - Sputnik. Лиудмила Малиаԥҳа 80 шықәса дшырҭагылаз лыԥсҭазаара далҵит ҳәа аанацҳауеит Аԥсны акультура аминистрра.
Лиудмила Малиаԥҳа 1982 шықәса раахыс напхгара алҭон Нестор Лакоба иҭоурых-мемориалтә музеи.
Нестор Лакоба иҭоурых-мемориалтә музеи аартын 1983 шықәсазы. Ари аҭыԥ аҿы игылан аҭоурыхтә хыбра – аҭуџьар Босҭанџьыоӷлы иҩны. Амузеи аус ауит нанҳәа 1992 шықәсанӡа. 1992-1993 шықәсқәа рызтәи Аԥсны Аџьыџьтәылатә еибашьраан амузеи рыблит, аха уи архив зегьы Аԥснытәи аҳәынҭқарратә музеи аҿы аиқәырхара рылшеит.
2022 шықәсазы Нестор Лакоба иҭоурых-мемориалтә музеи аиҭашьақәыргылара нап аркын.