АҞӘА, лаҵара 19 - Sputnik. Аслан Бжьаниа Аԥсны Ашәарҭадаратә маҵзура иҷыдоу анапынҵақәа Рцентр аԥҵоижьҭеи 25 шықәса аҵра рыдиныҳәалеит. Абри атәы аанацҳауеит Атәыла ахада ипресс-маҵзура.
Аԥсны Ашәарҭадаратә Маҵзура Иҷыдоу анапынҵақәа Рцентр аԥҵан 1996 шықәса рзы. Ацентр азырхоуп адиверсиа-террористтәи абандиттәи гәыԥқәа рҿагылара. Арҭ ашықәсқәа ирҭагӡаны Ацентр изныкымкәа еиуеиԥшым иҷыдоу аусқәа наныгӡахьеит, уи алагьы Аԥсны Аҳәынҭқарра ашәарҭадара шьақәдырӷәӷәеит", - иҳәеит Аслан Бжьаниа.
Атәыла ахадара рнапынҵақәа рынагӡареи, Аконституциа ахьчареи, ауаажәларра ршәарҭадара аиҿкаареи рылшоит иҷыдоу анапынҵақәа Рцентр аруаа, дара аҽазыҟаҵара ҳаракы рымоуп ҳәа азгәеиҭеит Бжьаниа.