АҞӘА, лаҵара 21 - Sputnik. Курск ақалақь ахада ихаҭыԥуаҩ Сергеи Котлиаров зхадараҿы дыҟоу аделегациа Гагра араион иаҭааит.
Аделегациа иара убас иалахәын Курск ахадара аҩнуҵҟатәи аполитика аилак аиҿкааратә ҟәша аиҳабы ихаҭыԥуаҩ Елена Затеевеи "Ахәыҷтәы-қәыԥштә спорттә школ № 1" аиҳабы Виктор Василиеви.
Дара иддырбеит Гагреи Пицундеи иҟоу асоциалтәи атуристтәи обиектқәа. Урҭ арахь раара хықәкыс иамоуп ҩганктәи аусеицура арҭбаареи аизыҟазаашьақәа рырӷәӷәареи.
Ақалақьқәа Курски Пицундеи аиашьара рыбжьарҵеит 2008 шықәса рзы.