Ҭырқәтәыла зымчхара 4,9 балл иҟаз адгьылҵысра ҟалеит

20:10, 21 Лаҵара 2023

Ҭырқәтәыла алада-мрагылара Каҳраманмарашь апровинциаҟны жәсааҭк рыбжьаны 7,7, 7,6 балл зымчхара ыҟаз адгьылҵысрақәа ҩба ҟалеит жәабран 6 рзы. Урҭ ирыхҟьаны рыԥсҭазаара иалҵит 50,5 нызқьҩык ауааԥсыра.

Sputnik

АҞӘА, лаҵара 21 - Sputnik. Ҭырқәтәыла апровицниа Адана зымчхара 4,9 балл иҟаз адгьылҵысра ҟалеит ҳәа адырра ҟанаҵеит аԥсабаратә рыцҳарақәа рыхҟьаԥҟьақәа раԥырҟәҟәааразы аусбарҭа Twitter аҿы.

Аусбарҭа адыррала, адгьылҵысра ҟалеит аҭыԥантәи аамҭала асааҭ 15:46 рзы Саимбеили араион аҿы.

Адгьылҵысра агәыцә 6,67 километра аҵаулараҿы иҟан.