АҞӘА, лаҵара 22 - Sputnik. Гәдоуҭа араион Лыхны ақыҭа анхаҩы даанкылоуп анаркотик аҭира хықәкыс иҟамҵакәа аахәареи, аҵәахреи, амҩангареи, иара убас Аԥсныҟа изакәанымкәа анаркотикқәа ралагалареи рзы гәҩарас дҟаҵаны. Абри атәы аанацҳауеит Аԥсны Аҩнуҵҟатәи аусқәа рминистрра.
Амч ӷәӷәа змоу аметадон идырбалеит 32 шықәса зхыҵуа Рафаель Ванџьашь данеимырдоз.
Ашьаус хацыркуп Аԥсны Азакәанеидкыла ахәҭаҷ 223 ахәҭа 1, ахәҭаҷ 224 ахәҭа 1 азгәаҭа 1 ала иазԥхьагәаҭоу ацәгьоуразы, ашьаусԥшаара иацҵоуп.