АҞӘА, лаҵара 22 - Sputnik. Азербаиџьан 86,6 нызқь метр ԥшьыркца иаҵанакуа аҵакыра Ашьха Ҟарабахгьы алоуп ҳәа аанацҳауеит Sputnik Ермантәыла, атәыла аԥыза-министр Никол Пашиниан апресс-конференциаҟны иҳәамҭа ҵаҵӷәыс иганы.
Ари аҳәамҭа ермантәылатәи аиҳабыра ақәшаҳаҭума ҳәа ирҭаз азҵаара аҭакс Пашиниан иҳәеит аиҳабыра ахаангьы Азербаиџьан аҵакыратә хьыԥшымра шазхарҵоз.
"Азербаиџьани ҳареи ибзианы ҳаилибакаауазар, Ереван Азербаиџьан аҵакыратә хьыԥшымра азханаҵоит иарбоу ахышәаҵышәала. Бақәа – Ермантәыла аҵакыратә хьыԥшымра азханаҵоит 29 800 нызқь километр ԥшьыркца иахьаҵанакуа", - иҳәеит аԥыза -министр.
Убри аан Ашьха Ҟарабах инхо аерманцәа ршәарҭадара азҵаара рыӡбароуп Бақәеи Степанокерти иҳәеит Пашиниан, иагьациҵеит аиқәшаҳаҭра анагӡара рнапы ианызар шакәу жәларбжьаратәи аилазаара, ус анакәымха амилаҭтә еиҿагыларақәа ҟалар шауа.
Уаанӡа Пашиниан Исландиа, Реикиавик имҩаԥысуаз аԥшьбатәи Европа Ахеилак асаммит аҿы иҳәахьан Азербаиџьан ахада Ильхам Алиеви иареи реиԥылараан ишышьақәдырӷәӷәаз 1991 шықәсазы Алма-Ата ирыдыркылаз адекларациала адгьылҵакырақәа шеицазхарҵо.
Ари адекларациа инақәыршәаны Ермантәыла аҵакыра 29,8 нызқь километр ԥшьыркца ыҟоуп ҳәа иазгәаҭоуп, Азербаиџьан — 86,6 нызқь километр ԥшьыркца. Ермантәыла аиҳабыра раԥхьаӡа акәны аҳәамҭа ҟанаҵеит уаанӡатәи Азербаиџьантәи ССР аҳәаақәа шазханаҵо азы.