АҞӘА, лаҵара 22 - Sputnik. Урыстәыла Ашәарҭадаратә маҵзура аусзуҩцәа дааныркылеит 26 шықәса зхыҵуа Урыстәыла атәылауаҩ, Оренбургтәи аобласт аҿы атерактқәа рымҩаԥгара игәҭакын ҳәа агәызҩарала – абри атәы аанацҳауеит РИА Новости аусбарҭа апресс-маҵзура адыррақәа шьаҭас иҟаҵаны.
"Новотроицк ақалақь аҿы имҩаԥгаз ауснагӡатәқәа ирылҵшәаны даанкылоуп 1997 шықәсазы ииз Урыстәыла атәылауаҩ, украинатәи амаҵзура ҷыдақәа рнапынҵала Алада-Уралтәи аихамҩа станциа "Новотроицкая" аҟны автоматикатә хьчара асистема амца аркреи Оренбургтәи аобласт ақалақь Орск арратә комиссариати Ашәарҭадаратә маҵзура аҟәшеи амца дыркреи азыҟазҵоз", - ҳәа аҳәоит адырраҭараҿы.
Новотроицк ақалақь акалҭ аҿы Афедералтә маҵзура аусзуҩцәа ирбеит ахалаҟаҵаратә ртҟәацга, иаанкылоу Telegram аҿы украинатәи амаҵзурақәеи иареи еимырдоз аҩымҭақәа. Иаанкылоу иара убасгьы гәҭакыс иман УАМ аганахьала аибашьра аҽалархәра.