Сынтәа Гагра араион аҿы рҵара хдыркәшоит 273-ҩык аушьҭымҭацәа, урҭ рахьынтә хҩык ахьтәы медалла иалгоит, ҳәа адырра ҟалҵеит Ажьиԥҳа. 15-ҩык ибзиаӡан рҵара хдыркәшоит, ҳаԥхьаҟа аԥышәарақәа шьҭоуп, аха урҭгьы ибзианы иарҭап ҳәа ҳгәы иаанагоит, азгәалҭеит лара.
Аушьҭымҭацәа рахьынтә иҟоуп иреиҳаӡоу аҵараиурҭақәа ирҭалахьо. ААУ аҿы имҩаԥысуаз аолимпиада иалҵшәаны гәыԥҩык ахьыԥхьаӡалоуп, уи анаҩсгьы, Россотрудничество имҩаԥнагоз аԥышәарақәа ирхысызгьы ыҟоуп.
Ажәбатәи акласс иалгоит 413-ҩык. Урҭ реиҳараҩык 10-тәи акласс ахь ииасуеит, ашкол аанзыжьуа маҷҩуп, лҳәеит Гагра араион аҵараҟәша аиҳабы Мадина Ажьиԥҳа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.