АҞӘА, лаҵара 26 - Sputnik. Сербиа ахада Александр Вучич адҵа ҟаиҵеит ар рыҽдырхиарц косовтәи иҷыдоу ахықәкы назыгӡо архәҭақәеи асербцәеи ахьеиҿанагалаз азы. Абри атәы аанацҳауеит РИА Новости аҭыжьымҭа "Вечере новости" адыррақәа шьаҭас иҟаҵаны.
"Сербиа ахада, абрџьармчқәа рыдҵаҟаҵаҩ Александр Вучич аусԥҟа инапы аҵеиҩит Сербиа ар рҽеидыркыларазы, Косово иаду административтә цәаҳәа Метохиахь рхы дырхарц", — ҳәа аҳәоит акьыԥхьымҭа.
Сербиатәи ар рминистргьы ишьақәирӷәӷәеит ар Косово аҳәаа рыҽшадырхало.
Аҭагылазаашьа арӷыӷкит мшаԥы 23 рзы имҩаԥысыз аҭыԥантәи ахаланапхгараҭарахь алхрақәа. Косово анапхгара рҽазыршәеит араионқәа рхадацәас албанаа раҭара, асербцәа алхрақәа алҵшәақәа ирҿагылоит.
4-муниципалитетк рҿы асерб уааԥсыра шеиҳазгьы албанаа хадацәас ирхадыргылеит. Убри аан абжьыҭара инеит 3,47% (урҭ рҟынтәи 13 - ҩык сербцәоуп).
Белград ари азхамҵакәа Косово амчрақәа аҭагылазаашьа ҵыршәаауеит ҳәа азгәанаҭеит. Мраҭашәараа ракәзар Косово аганахь иҩбоу астандартқәа мҩаԥыргоит.