"Ҳаамҭазтәи аинформациатә технологиақәа рхархәарала агеологиеи, агеофизикеи, агеоекологиеи рфундаменталтә аспектқәа" захьӡыхз VII Жәларбжьаратәи аҭҵаарадырра-практикатә конференциа мҩаԥысит Маиҟәаԥ. Уи рхы аладырхәит Аԥснытәи аҳәынҭқарратә университет арҵаҩцәеи астудентцәеи жәҩык. Ас еиԥш аконференциа мҩаԥыргоит ҩышықәса рахьынтә знык 2009 шықәса раахыс. Уажәтәи аконференциа ҳалахәхараан, хықәкы хадас иҳаман аҵара зҳарҵо аҿарацәа аҭҵаарадырра радԥхьалара лҳәеит арадио Sputnik аефир аҟны Аекологиа аинстиут аусзуҩ, ААУ ахархәаратә физика акафедра адоцент, афизико-математикатә ҭҵаарадыррақәа ркандидат Асида Ахсалԥҳа.
Лара илҳәеит, афизика-математикатә ҭҵаарадыррақәа рдоктор, апрофессор Ианварби Екбеи лареи аконференциаҟны напхгара шрырҭоз асекциақәа ҩба. Урҭ рҟны аус зуаз иалацәажәон адунеи аҟны аҳауаеиҭакрақәа ирыдҳәалоу азҵаарақәа. Аконференциа иалахәын ААУ адоцент Иана Гыцԥҳа, аспирантцәа, астудентцәа.
Аицәажәара инеиҵыхны ишәаҳар шәылшоит аудиофаил аҟны хыхь.