АҞӘА, лаҵара 28 - Sputnik. Ҭырқәтәыла асааҭ 17:00 рзы аҭыԥантәи аамҭала иадыркит атәыла ахада иалхрақәа аҩбатәи ртур аан абжьыҭиразы аус зуаз алхратә ҭыԥқәа зегьы.
Абжьқәа рыԥхьаӡара иалагеит.
Атәыла зегь ахи-аҵыхәеи ишьақәыргылан 191 нызқь инареиҳаны абжьыҭиразы акәалаԥқәа. Алхыҩцәа рхыԥхьаӡара 60 миллионҩык иреиҳан.
Лаҵара 14 рзы имҩаԥысыз алхрақәа актәи ртур аан акандидатцәа рахьтә аӡәгьы имоуӡеит 50 процент абжьқәа, аҩбатәи атур ахь анеиразы азин роуит "Ареспубликатә алианс" аҟынтәи акандидат Реџьеԥ Таиип Ердогани (49,52 процент абжьқәа зауз) иреиҳаӡоу аоппозициатә Жәлар-рреспубликатә партиа аиҳабы Қьемаль Қылычдароӷлуи (44,88 процент абжьқәа).