АҞӘА, лаҵара 29 - Sputnik. Урыстәылеи Аԥсни рыдәныҟаполитикатә усбарҭақәа рхадацәа аконсультациақәа рплан рнапы еицаҵарыҩуеит ҳәа аанацҳауеит Амедиацентр.
Адокумент урыстәылатәи аган ақәшаҳаҭуп, иазԥхьагәанаҭоит аинформациа аусхк аҟны аусеицура, аҭҵаарадырра-практикатәи агуманитартәи уснагӡатәқәа реицымҩаԥгара аиҿкаара ҳәа азгәанаҭеит Аԥсны ААР.
Аҟәа ишьҭарҵараны иҟоуп аԥсуа-урыстәылатәи аиҩызара абаҟа азы ахаҳә.
Уи адагьы Аԥсны аԥсуа-урыстәылатәи аизыҟазаашьақәа ирызку аиубилеитә ныҳәақәа раан ааԥхьара рыҭахоит Урыстәыла ААР аминистр Сергеи Лаврови Афедерациатә хеилак ахантәаҩы Валентина Матвиенкои.