Афинал аҳамҭақәа: "Apsny-Star" актәи асезон аҵыхәтәантәи аконцерт

Ильда Қәычбериаԥҳа лкомандаҟынтәи асуперфинал ахь инеит Адгәыр Лазариеи Иракли Џьумутиеи, Саида Агрԥҳа лкомандаҟынтәи - Миранда Мархолиаԥҳаи Самвел Миракиани, Фаиа Мархолиаԥҳа лкомандаҟынтәи - Софиа Миаукинеи Викториа Лабиеи.

Ажиури рыбжьыҭира иалҵшәаны анаҩсантәи аетап ахь изымнеит Лола Ҟалӷьы, Аслан Шьакаиа, Алан Бесланиԥа, Нар Нанба. Аха апроект апродиусерцәа рыӡбамҭала Саида Агрԥҳа лкоманда иалаз Аслан Шьакаиа апроект аҿы даанрыжьит. Амузыкатә продиусер Анри Гәымба ишиӡбаз ала, апроект аҿы даанхоит Лола Ҟалӷьгьы Ильда Қәычбериаԥҳа лкомандаҟынтәи.

Апроект шықәсык ицалоит, иара х-сезонкны еихшоуп. Ахԥатәи асезон – асуперфинал аҿы еиндаҭлоит аԥхьатәи ҩ-сезонк рфиналистцәа.

1 / 12

Амузыкатә проект "Apsny-Star" актәи асезон афинал мҩаԥысит Аҳәынҭфилармониаҿы лаҵара 29 рзы.

2 / 12

Апроект "Аpsny-Star" еиҿкаауп Аԥсны акультура аминистрра адгыларала, апроект аспонсор хада - амобилтә еимадара "Аҟәафон". Sputnik Аԥсны – апроект информациатә партниорс иазыҟоуп.

3 / 12

Амузыкатә продиусер Анри Гәымба ишиӡбаз ала, апроект аҿы даанхоит Лола Ҟалӷьгьы Ильда Қәычбериаԥҳа лкомандаҟынтәи.

4 / 12

Амузыкатә проект алахәылацәеи урҭ рнапхгаҩцәеи рцәаныррақәа рзынкыломызт.

5 / 12

Миранда Мархолиаԥҳа ашәаҳәарада апианино аҟынгьы дыхәмарит.

6 / 12

Софиа Миаукина - афинал ахь днеит, лара Алиши Кис лашәа "New York" налыгӡеит.

7 / 12

Афинал ахь днеит Саида Агрԥҳа лкомандаҟынтәи -Самвел Миракиан.

8 / 12

Аконцерт иаҭааз алахәылацәа ашәа рыцырҳәон.

9 / 12

Апроект апродиусерцәа рыӡбамҭала Саида Агрԥҳа лкоманда иалаз Аслан Шьакаиа апроект аҿы даанрыжьит.

10 / 12

Алан Бесланиԥа афинал ахь анеиразы абаллқәа иизымхаӡеит.

11 / 12

Иракли Џьумутиа ауаԥс бызшәала ашәа наигӡеит.

12 / 12

Амузыкатә проект аҳәаақәа ирҭагӡаны ашықәс аҩнуҵҟа иазыԥхьагәаҭоуп 12 концерт, мызкахьы знык.