"Абаза" - аибашьра иалиаз ансамбль ауп, аханатә гәыԥ хәыҷык акәын иҟаз, анаҩс ауп ансамбль ахь ианиас ҳәа азгәалҭеит Циала Чкадуаԥҳа аиҿцәажәараҿы.
Аҳәынҭқарратә ахәыҷтәы хореографиатә ансамбль "Абаза" асахьаркыратә напхгаҩы илгәалалыршәеит агәыԥ аԥҵараҿы раԥхьатәи ашьаҿақәа шыҟаҵаз.
"Иахьазы 25 гәыԥ ауҳашьҭхьеит, уи 500-ҩык ахәыҷқәа аҵанакуеит. Аиубилеи иазкыз аконцерт ахь изааиз рхы аладырхәит. Анкьа еиԥш аҽазыҟаҵарақәа рахь иааиуан. Нас изеиԥырҵуамызт, еицәажәон аҵх агәанынӡа. Абас, гәыкала, имҩаԥган аиубилеи. Сара сгәы еизҳаит, избанзар, схәыҷкәа анкьа ишеицыз еиԥш еицуп. Ҭаацәара дук еиԥш ҳҟалеит", – лҳәеит Чкадуаԥҳа.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.