Аԥсуа драматә театр аҿаԥхьа имҩаԥган ашахмати, ашашкеи, аԥқьаҭмпыли рзы аицлабрақәеи аконцерти. Иара убас, акатран аҟны асахьаҭыхраз аицлабра. Ахәыҷқәа аӡәгьы ҳамҭада аҩныҟа дымцаӡеит.
Акультура-устә платформа "Гәма" аҟны ЕАР ахәыҷтәы Фонд Аҟәатәи аофис ацхыраарала ахәыҷқәа рзы аныҳәа еиҿкаан. Имҩаԥган ахәыҷқәа рзы амастер-классқәа, идырбан афильм. Традициала ишаԥу еиԥш афонд "Ашана" имҩаԥнагеит "Иқьиоу акартош" акциа ақьафурҭа "Aburger” аҟны. Еизыргаз аԥарақәа ахәыҷ чымазҩцәа рыхәшәтәраз идәықәҵахоит.