Авидеонҵамҭақәа

Акультура-гәыҳалалратә фонд "Ашана" Анастасиа Бадиаԥҳа, Мариа Кесиан, Валериа Џьынџьалԥҳа ргәабзиара аиҭашьақәыргылараз ахәшәтәразы аԥареизгара иалагеит.

Урыстәыла атәылахьчара аминистрра Аладатәи арратә округ хырхарҭарацәалатәи амобилтә госпиталь Аԥсны иаадыртит нанҳәа 18 рзы. Нанҳәа 19 инаркны уи ауаа рыдкылара иалагоит.

Нанҳәа 15-16 руыха Аҟәа ақәа ӷәӷәа леит. Аиҳарак ааха аиуит Турбаза араион, Аԥсны АҶА аусзуҩцәа аӡы зҵалаз аҩнқәа рҟынтәи ауаа ахыргеит.

29 шықәса раԥхьа – нанҳәа 14 1992 шықәса рзы Қырҭтәыла Аҳәынҭсовет архәҭақәа Аԥсны еибашьрала иақәлеит. 413 мши ҵхи ицоз Аџьынџьтәылатә еибашьра хыркәшан цәыббра 30 1993 шықәса рзы Аԥсны аиааирала.

Аԥсни Урыстәылеи рҵарауаа есышықәсатәи археологиатә експедициақәа ирыцырҵоит Очамчыра араион Маркәыла ақыҭан.

Риҵатәи амилаҭтә реликттә парк еиҿкаан Риҵатәи аҳәырԥссара ашьаҭала жьҭаарамза 1996 шықәсазы.

Аԥсуаа ажәытәан рхы иадырхәоз аибашьыга шхәа архивтә ҵәаӷәанҵала еиҭашьақәдыргылеит петрозаводсктәи аҟазацәа.

Гәдоуҭа араион Мгәыӡырхәа ақыҭан иаатит аԥсуа инхашьа-инҵышьа, иԥсҭазаашьа атәы аазырԥшуа амилаҭтә парк "Аԥсны".

Ԥхынгәы 26-27 ауыха Аԥсны ақәа ӷәӷәӷа леит, аӡқәа хыҵит, афымцатә шьаҟақәа ааха роуит. Аԥхасҭа ӷәӷәа рынаҭеит Аҟәа, Гәылрыԥшь, Гәдоуҭа, Очамчыра араионқәа руааԥсыра.

Очамчыра араион Џьал ақыҭан инхо Витали Ҭыжәба иашҭаҿы еиҭаҳаны имоуп хкы рацәала ашәҭқәа, агәырбӷьыҵлақәа, апальмақәа.

Тҟәарчал ақалақь Аҟармаратәи аӡхыҽҽақәа рахь узлацо амҩа хҟьоуп агортензиашәҭ чықьқәа рыла. Урҭ рыԥшӡара аҭыхра иҽазишәеит Sputnik авидеооператор.

Тҟәарчал араион Бедиа ду ақыҭаҿы адгьылҳәазара иалагеит ажьырныҳәа 15 рзы. Иахьазы ақыҭа Бедиа ду анхацәа ирыԥсҭазаашьоу ҭырҵаауан Sputnik акорреспондентцәа.

Афонҿыцтәи адәыӷбаанҿасырҭа "Ԥсырӡха" ргылан 1944 шықәсазы, иахьа уи аҭыԥантәи ауааԥсыреи аԥсшьаҩцәеи бзиа еицырбо ҭыԥуп.

Гагра араион Алаҳаӡы ақыҭа аԥхынразы иаԥсҭазаашьоу, аҭыԥантәи ауааԥсыра рхы зланыҟәырго, уи ҽа қыҭак иаламҩашьо изыҟоу уҳәа ирызку авидеонҵамҭа шәзеиқәнаршәеит Sputnik Аԥсны.

Аҟәа Кәыдрытәи амҩаду аҿы ауаҭах амца акит. Аӡәгьы ааха имоуӡеит ҳәа адырра ҟанаҵеит Аԥсны аҭагылазаашьа ҷыдақәа рзы аминистр.

Аԥсуа драматә театр сынтәатәи аԥхынразы ахәаԥшцәа рзы аспектакльқәа рыдагьы, амузыкатә усмҩаԥгатәқәагьы азнархиеит. Sputnik аобиектив аҿы – "Адунеитә классика ашедеврқәа".

Жәларбжьаратәи аоператә фестиваль "Opera Viva" Аԥсны имҩаԥысит ԥхынгәы 9 рзы, сынтәа уи изкын еицырдыруа италиатәи акомпозитор Џьоаккино Россини, амузыкантцәа иадырҳәон ԥсра зқәым иара иаԥҵамҭақәа.

Ҭырқәтәылатәи ҳџьынџьуаҩ, абоксиор Енвер Бзагәа Москва рашәара 27 рзы имҩаԥысыз абокс азы апрофессионалтә ринг аҿы аиааира игеит.

Амҽыша ахәылбыҽха Аԥсны иахьаҵанакуа амшцәгьа ҟалеит, аԥшатлакә асит, ақәаршыҩ леит. Аҩнқәа рхыбқәа рыхнахит, аҵлақәа канажьит, уи иахҟьаны амҩа ду хадақәа рҿы аныҟәара аанкылахеит.

Афонҿыцтәи аҳаԥы аҭааҩцәа рзы иаартын 46 шықәса раԥхьа - ԥхынгәы 4 1975 шықәса рзы, уи раԥхьаӡа акәны иԥшааит Гиви Смыр 1961 шықәса рзы.