Гагратәи акурорт ашьаҭа азыркыз аурыс принц Ольденбургтәи диит рашәара 2, 1844 шықәсазы, уиижьҭеи сынтәа 179 шықәса ҵит. Аԥсны дшаанагаз, изиҭаххаз Ривера еиԥшу ҭыԥк алхра, илиршаз атәы арадио Sputnik аефир аҟны далацәажәеит аҭоурыхдырҩы Сослан Салаҟаиа.
"Апринц Александр Пиотр-иԥа Ольденбургтәи аҳ изааигәаз уаҩын, иабду иаб аурыс император Павел актәи иакәын, иԥҳәыс Никәала актәи имоҭа лакәын. Аԥсныҟа иара дааит ХIХ ашәышықәса анҵәамҭазы. Гәалас иман ҭауади аамсҭеи, амал змаз ауаа Европа акурортқәа рҟны рыԥсы ахьыршьоз. Ииҭаххеит Урыстәыла аҩнуҵаҟа курорт бзиак аартра. Кавказ данықәнагала ибеит Гагра, иара итәала Ривера еиԥшын, Франциеи Италиеи рҳәааҟны иҟоу Ницца, Монако уҳәа иреиԥшнишьалеит", - иҳәеит Салаҟаиа.
Иара иазгәеиҭеит апринц иҳәынҭқарра амаҵ шазиуаз, убасгьы аԥсуаа рыбзазара аиӷьтәра иазкыз аусқәа инапы шрылакыз.
Аицәажәара инеиҵыхны ишәаҳар шәылшоит аудиофаил аҟны .