АҞӘА, рашәара 4 - Sputnik. Урыстәылатәи аруаа иаԥдырҟәҟәааит Белгородтәи аобласт украинтәи адиверсантцәа ражәлара, абри атәы аанацҳауеит Урыстәыла атәылахьчара аминистрра.
"Ҳазҭоу ашықәс рашәара 4 рзы Мраҭашәаратәи арратә округ иатәу аҳәынҭқарратә ҳәаа зыхьчо аҟәшеи Афедералтә шәарҭадаратә маҵзура Аҳәаахьчаратә маҵзуреи иааныркылеит украинатәи атеррористцәа рдиверсиа-ԥшыхәратә гәыԥ Белгородтәи аобласт Новаиа Таволжанка ақыҭа иахьаҵанакуа аӡиас ирны ржәылара", - ҳәа ануп адырраҭараҿы.
Адиверсантцәа артиллериала ирылахысит, убас ала аӷа шьҭахьҟа дцеит, урыстәылатәи аҳәаа дацәхьаҵит.
Уаанӡа, рашәара 1 азы урыстәылатәи аруаа УАМ даҽа жәыларакгьы аԥдырҟәҟәааит. Усҟан аӷа жәеизантә иеихсит, аракетатә архәҭақәеи артиллериеи 77 цәҟьара ирықәдыршәеит, амца казырҵәо асистемақәа ҩынтә ихысит.