Ассоциациа аусура иабзоураны иҭҵаахоит Аԥсны атуризм иадҳәалоу еиуеиԥшым азҵаарақәа ҳәа азгәеиҭеит аиҿцәажәараҿы Хәытаба. Раԥхьа инаргыланы аус адулахоит атуризм азы азакәан, анаҩс иазгәаҭоуп Аԥсны иҟоу аԥсшьарҭа ҩнқәа зҵазкуа аҩаӡарақәа рышьақәыргылара. Ус еиԥш ҟалар, аԥсшьаҩы еилкааны имазаауеит иарбан сасааирҭоу иԥсы ахьишьо, иарбан ҩаӡароу уи иамоу ҳәа иҳәеит Хәытаба.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.