Аԥсны

Афымцеиқәыршәареи Аԥсныҟа анефҭаалыҵқәа раагареи рызҵаарақәа ирылацәажәеит Анқәаби Новаки

Рашәарамза 9 рзы Аԥсны аусутә еиԥыларақәа рзы дааит Урыстәыла аԥыза-министр ихаҭыԥуаҩ Александр Новак.
Sputnik
АҞӘА, рашәара 9 - Sputnik. Ақәыӷәӷәара иаҳа ианыҟоу аамҭазы Аԥсны фымцамчла аиқәыршәареи ареспубликахь еиԥҟьарада анефҭаалыҵқәа раашьҭреи рызҵаарақәа ирылацәажәеит аԥыза-министр Александр Анқәаби Урыстәыла аԥыза-министр ихаҭыԥуаҩ Александр Новаки.

Анқәаби Новаки еиуеиԥшым азҵаарақәа ирылацәажәеит, аԥеиԥш змоу аусеицура ахырхарҭақәа ирзааҭгылеит.

Аиԥылараҿы иара убас иазгәаҭан аҩтәылак рзакәанԥҵарақәа реинраалара апроцесс арццакра шаҭаху.
Александр Анқәаб ҩганктәи аусеицура ахә ҳаракны ишьеит, иагьиҳәеит аԥсуа ган шазыхиоу иҵегьы иааигәаны аусеицура.