"Аԥсны атуризм. Ашәарҭадареи ахаҭабзиареи рыҩаӡара ҿыц" атемала астол гьежь мҩаԥысит Гагра, рашәара 6 рзы. Уа излацәажәоз азҵаарқәа иреиуан азакәан ҿыц "Аԥсны атуризм азы" аус адулара, атуристцәа ршәарҭадареи рзинқәа рыхьчареи иактуалу рызҵаарақәа, иара убас "Аԥсны-урыстәылатә туристтә ассоциациа" аусура аларгара. Ари аиҿкаара анапхгаҩыс даҭан Ҭарашь Хәытаба. Иара арадио Sputnik аефир аҟны еиҭеиҳәеит ассоциациа иалоу, хықәкыс ирымоу, аусура алҵшәақәас ирбо. Шәахәаԥш арадиостудиаҟынтәи авидеонҵамҭа.