АҞӘА, рашәара 11 - Sputnik. Каховтәи аӡеизакырҭаҟны аӡы аҩаӡара быжь-метрак илаҟәит, абри азы аҳәамҭа ҟанаҵеит украинатәи аилахәыра "Укргидроэнерго".
Каховтәи аӡеизакырҭаҟны аӡы аҩаӡара алаҟәра иаҿуп. Асааҭ 8:00 рзы иҟоу адыррақәа рыла, Каховтәи аӡеизакырҭа Никополиа араион аҟны аӡы аҩаӡара 9,35 ыҟоуп. Уахыки-ҽнаки рыла аӡы аҩаӡара метрк илаҟәит, ианыԥжәаз аамҭа инаркны -быжь-метрак", - аанацҳауеит аилахәыра.
Аилахәыра адыррақәа рыла, уахыки-ҽнаки рыла метраки бжаки аӡы лаҟәит Днепр аӡиас аҟны.
Рашәара 6 рзы Украина аруаа Каховтәи ГЕС иалахысит, аԥхасҭа аҭоуп аӡкыра ахәҭак, аха аӡыхкыра ԥырхага амоуит.
Каховтәи ГЕС — Днепр аӡиас аҿы аӡеихыҽҽарақәа афбатәи ацәаҳәоуп. Аӡеизакырҭа амҽхак 2155 км² иҟоуп, 13 миллиард кубометр аӡы ҭоуп. Новаиа Каховка Херсонтәи аобласт аҟынтә 5 километрак бжьоуп, уи аҵакыра цәыббра 30 2022 шықәсазы Урыстәыла иалалеит имҩаԥгаз ареферендум иалҵшәаны.