Амаругақәа раахәаразы иҟан атендер, иқәыргылан асиа, еиҳарак иаахәытәу атрактор маҷқәа роуп ҳәа азгәеиҭеит аиҿцәажәараҿы Асланӡиа.
"Абыржәтәи акомиссиа аилатәараҿы атендер инақәыршәаны арзаҳалқәа алызҵаз ҭаҳҵаауан, ахәқәа ҳрыхәаԥшуан, иаазго шьақәҳаргылон. 24 рзаҳал рҟынтәы 23 ҳадаҳкылеит. Амаругақәа 31 миллион инареиҳаны рыхә ыҟоуп. 23 миллион мааҭ инархыҳәҳәо амеханизациа маҷ иазкуп", - ҳәа еиҭеиҳәеит Асланӡиа.
Апроектқәа алазҵо еиҳарак абизнес азы ауснагӡақәа рымаӡам, дара рхала аинтернет аҟынтә иалырхуеит атехника, уа иану ахәқәа шьақәдыргылоит.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.