Абжьаҟазаҩцәа алагалахаанӡа иҭарцәын Лаҭа, уи азы адҵа ҟацан Владислав Арӡынба иҟынтә. Аслан Кобахьиа арадиоефир аҿы игәалаиршәеит урҭ ахҭысқәа шыҟалаз атәы.
Урыстәылатәи абжьаҟазаҩцәа ралагаларазы Москва имҩаԥысыз аиԥылара атәы еиҭеиҳәеит.
"Акарта ахьыҟарҵоз иарбан аурысцәа гылараны ишыҟоу 10 километрак Егры инаркны Аԥсны аҩнуҵҟа, иара убас Қырҭтәыла аганахьалагьы. Гәыԥцыԥхьаӡа иалазар акәын ԥсыуаки қырҭуаки. Аха Владислав Арӡынба ари аниба деилагеит, сыԥсы ахьынӡаҭоу ақырҭуа Аԥсны дыҟазар ҟалом иҳәан, мап ацәикит. Гал аиқәшәараан ишьақәыргылан аурысқәа рымацара игыларцаз", - ҳәа еиҭеиҳәеит Кобахьиа.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
1994 шықәса инаркны 2008 шықәса рҟынӡа Аԥсны абжьаҟазаратә мчқәа гылан. Дара русура аанкылан Аԥсны ахьыԥшымра азхаҵара анаиу ашьҭахь.