АҞӘА, рашәара 24 - Sputnik. Урыстәыла Ашәарҭадаратә маҵзура ЧВК "Вагнер" аԥҵаҩы Евгени Пригожин иганахьала ашьаус хацныркит, иара бџьаршьҭыхла аиҿагыларазы ааԥхьара ҟаиҵеит. Абри атәы аанацҳауеит РИА Новости Амилаҭтә атеррористҿагыларатә хеилак аҳәамҭа шьаҭас иганы.
Аусбарҭа аҟны иазгәарҭеит Пригожин ихьӡала ирылаҵәаз аинформациа ҵабыргым ҳәа.
Уи аԥхьа Урыстәыла апрокуратура хада аҳәамҭа ҟанаҵахьан Пригожин иумҭа азинтә хәшьара шаҭахо. Ашьаустә Закәанеидкыла инақәыршәаны аиҿагыларахь ааԥхьаразы 12 шықәса инаркны 20 шықәсанӡа аҭакра азгәаҭоуп.
Асоциалтә ҳақәа рҟны аинформациа цәырҵит ЧВК "Вагнер" ртәарҭақәа бџьарла иажәлеит, аԥсҭбарақәа рацәоуп ҳәа.
Урыстәыла атәылахьчара аминистрра ари аинформациа ҵабыргым ҳәа ахырҳәааит, иазгәарҭеит, урыстәылатәи аруаа аоперациа ҷыда ахьцо аҵакыраҟны рҿаԥхьа иқәгылоу адҵақәа шынарыгӡо.