АҞӘА, рашәара 24 - Sputnik. Урыстәыла ахада Владимир Путини Ҭырқәтәыла ахада Реџьеп Таип Ердогани атәылаҟны иҟоу аҭагылазаашьа иалацәажәеит, абри атәы аанацҳауеит Кремль апресс-маҵзура.
Аҩтәылак ахадацәа ҭелла еицәажәеит ҭырқәтәылатәи аган иҟанаҵаз азыҳәала. Путин идикыло аӡбамҭақәа дышрыдгыло атәы иҳәеит Ердоган.
Уи аԥхьа Путини Александр Лукашенкои атәылаҟны иҟоу аҭагылазаашьа иалацәажәеит. Уи адагьы, Владимир Путин иполитика ишадгыло атәы рҳәеит Аԥсны ахада Аслан Бжьаниеи, Аахыҵ Уаԥстәыла ахада Алан Гаглоеви.
Уи аԥхьа асоциалтә ҳақәа рҟны аинформациа цәырҵит ЧВК "Вагнер" атыл ала ртәарҭақәа бџьарла иажәлеит, аԥсҭбарақәа рацәоуп ҳәа.
Урыстәыла атәылахьчара аминистрра ари аинформациа ҵабыргым ҳәа ахырҳәааит. Урыстәыла ахада Владимир Путин урыстәылауаа рахь иааԥхьараҿы иазгәеиҭеит, атеррористә методқәа ахархәара рыҭаны бџьаршьҭыхла аиҿагылара аԥшьгара згәы иҭаз- ҳзакәани ҳажәлари рҿаԥхьа иахьырхәхоит ҳәа.