АҞӘА, рашәара 27 – Sputnik. Белоруссиа ахада Александр Лукашенко Урыстәыла иҟоу ахҭысқәа ҳасаб рзуны ар рҽаздырхиарц рылеиҳәеит ҳәа аанацҳауеит Telegram-канал "Пул Первого", аполитик Минск иқәгылара шьаҭас иҟаҵаны.
"Урыстәылатәи ахҭысқәа раан адҵа ҟасҵеит ҳар инагӡаны рҽырхианы иҟазаарц. Аӡәгьы уи мап ацәкуа ахҳәаа аимҭеит, а-Telegram-каналқәа инадыркны. Ҭаацәароума, дыԥҳәысума, дхаҵоума – аӡәгьы. Ар, амилициа, амчра ҷыдақәа шьыбжьаанӡа арратә ҭагылазаашьа иазырхианы иқәыргылан", - иҳәеит иара.
Аполитик иазгәеиҭеит Урыстәыла имҩаԥысуаз угәы унамырхьыр шамуаз.
"Ҳтәылауаа реиҳараҩык ргәаҵанӡа инаргеит. Избанзар Ҳаԥсадгьыл акоуп. Брест инаркны Владивостокынӡа — ҳадгьыл, ҳажәлар роуп инхауа. Аҭоурых иадыруеит абеларусцәа рыԥсадгьыл шырыхьчо. Ҳара иарбанзаалак ауадаҩрақәа ҳариааиуеит", - иҳәеит Лукашенко.