"Еҵәаџьаа" рышәахәақәа рықәыԥхо: "Apsny Star" аҩбатәи асезон раԥхьатәи аконцерт

Апроект "Аpsny-Star" еиҿкаауп Аԥсны акультура аминистрра адгыларала, апроект аспонсор хада - амобилтә еимадара "Аҟәафон". Sputnik Аԥсны – апроект информациатә партниорс иазыҟоуп. Ашоу априз хада - Гнесинаа рыхьӡ зху Амузыка академиаҟны хәыда-ԥсада аҵараҵара.

Аԥҟарақәа инарықәыршәаны иҟалоит асезонқәа хԥа, урҭ ирылахәхароуп 15-15-ҩык. Дара нас хҩык анапхгаҩцәа ркомандақәа рахь иргоит.

Аҩбатәи асезон аан ажиури иалоуп - Аԥсны Жәлар рартистка Нинель Бжьаниаԥҳа, Аҳәынҭфилармониа ахкынагӡаҩ Алхас Ферзба, амузыкатә продиусер Анри Гәымба.

1 / 11

"Аpsny Star" – Аԥсны абжьы бзиа зхоу аҿар ралԥшаареи урҭ асцена раршьцылареи ирызку проектуп.

2 / 11

Амузыкатә проект "Apsny Star" аҩбатәи асезон раԥхьатәи аконцерт мҩаԥысит Аԥснытәи аҳәынҭфилармониаҿы рашәара 27 рзы.

3 / 11

Иқәгылеит 19-ҩык ашәаҳәаҩцәа ҿарацәа.

4 / 11

Урҭ рахьтә 15-ҩык роуп апроект иақәшәаз.

5 / 11

Алахәылацәа еиуеиԥшым ахырхарҭақәа ирыҵанакуаз ашәақәа нарыгӡеит.

6 / 11

Аҩбатәи асезон аҿы арҵаҩцәа маҷк рҽырԥсахит. Ильда Қәычбериеи Фаиа Мархолиеи ирыцлеит Аԥсуа драматә театр актиор, ашоумен Руслан Шьакаиеи уи иԥшәма, Аԥсуа ҳәынҭқарратә капелла адирижиор Софиа Реинберги.

7 / 11

Фаиа Мархолиаԥҳа лкомандаҿы аиааира иазықәԥалоит - Елизавета Ершова, Елизавета Аммаева, Кристина Кәыбрааԥҳа, Леван Ԥхалаӡе, Сариа Аиԥҳа.

8 / 11

Руслан Шьакаиеи Софиа Реинберги ркомандаҿы - Таисиа Сердиук, Инна Коионова, Ерик Ҳаҭхәа, Диана Карбашиан.

9 / 11

Ильда Қәычбериаԥҳа лкомандаҿы - Лаура Ҳагԥҳа, Муслим Ларго, Рената Ҳаџьиева, Гәында Абыхәԥҳа, Нила Наҷҟьебиаԥҳа. Ажиури ишаӡбаз ала, Ильда Қәычбериаԥҳа лкоманда далалеит Милена Кәыҵниаԥҳа.

10 / 11

Аҩбатәи асезон аан ажиури иалоуп - Аԥсны Жәлар рартистка Нинель Бжьаниаԥҳа, Аҳәынҭфилармониа ахкынагӡаҩ Алхас Ферзба, амузыкатә продиусер Анри Гәымба.

11 / 11

Аҩбатәи асезон аҿы иҟалоит ԥшь-концертк, урҭ мызкахь знык имҩаԥыслоит рашәарамза инаркны цәыббрамзанӡа.