АҞӘА, ԥхынгәы 3 – Sputnik. Аҟәатәи аҿкчымазаратә хәышәтәырҭаҟны аҿкчымазара-диагностикатә бокс ҟалоит ҳәа аанацҳауеит аусбарҭа апресс-маҵзура.
Аминистр Едуард Быҭәба иажәақәа рыла, абокс аҿы х-ҭыԥк ҟалоит, хаз аҩналарҭа арҭоит, иаиуеит хаз иҟоу асанузел. Абокс ишәарҭоу ачымазарақәа змоу апациентцәа рзы ихымԥадатәиуп.
"Аремонт усурақәа мҩаԥысуеит Аминистрцәа реилазаара арезервтә фонд аԥарақәа рыла. Иахшәаауп 2 миллионки 328 нызқь мааҭ. Асеиԥш иҟоу абокс ахәышәтәырҭа уаанӡа иамамызт", - иҳәеит Быҭәба.
Аминистр иҳәеит аусурақәа жәамш рыҩнуҵҟа ишхыркәшахо.