АҞӘА, ԥхынгәы 3 – Sputnik, Бадри Есиава. Автомашьынақәа хԥа еиҿасит Гагра араион ареспубликатә мҩаду 14-тәи акилометр аҿы ашәахьа, ԥхынгәы 3 асааҭ 16:00 рзеиԥш. Абри атәы Sputnik акорреспондент изеиҭеиҳәеит Цандрыԥшь аҳабла Аҩнуҵҟатәи аусқәа рыҟәша аиҳабы Ерик Ҳаҭхәа.
Амҩатә машәыр аҿы ааха зауз ԥшьҩык Гагратәи араионтә хәышәтәырҭа хадахьы инагоуп. Ԥҳәыск лҭаагылазаашьа уадаҩуп.
Амашьынақәа ахьеиҿасыз иахҟьаны аныҟәара ԥкуп. Аҳәынҭавтоинспекциа аусзуҩцәа уи аиҭашьақәыргылара иацхраауеит. Аҭыԥ ахь инеит Гагра араион АҶА аусзуҩцәа. Урҭ зышәқәа амтуаз амашьынаҟынтәи аԥҳәыс лҭыгара рылшеит.