30 шықәса раԥхьа, ԥхынгәы 2 рзы иалагеит аҵак ду змаз Ииультәи ажәылара. Уи аиааира иахыҵхырҭахеит ҳәа азырҳәоит аибашьцәа, аҭоурыхҭҵааҩцәа. Уи аҽны Аԥсны Арбџьармчқәа рыҩфронтк - Гәымсҭатәии Мрагыларатәии - ажәылара еицалагеит. Мрагыларатәи афронт аҿы имҩаԥгаз Тамшьтәи адесант аӡхыҵра атәы арадио Sputnik Аԥсны астудиаҿы ишиашоу ицо аефир аҿы иалацәажәеит аибашьцәа аветеранцәа - Леон иорден занашьоу, тамшьтәи арра-десант жәыларатә баталион акомиссар, аполковник Сергеи Зыхәбеи Леон иорден занашьоу Асҭамыр Лашәриеи. Ишәыдаагалоит астудиаҟынтәи авидеонҵамҭа.