АҞӘА, ԥхынгәы 4 - Sputnik. Аԥсны алхратә комиссиа хада иҭанаҩит атәыла ахада игәрамгаразы ареферендум мҩаԥызгарц згәы иҭоу аԥшьгаратә гәыԥ. Абри атәы аанацҳауеит акомиссиа апресс-маҵзура.
Ареферендум ахь ицәырырго азҵаара абас иҟоуп: "Аԥсны Аҳәынҭқарра ахада иалхрақәа заанаҵ имҩаԥгатәуп ҳәа шәыԥхьаӡома?"
Аԥсны ахада игәрамгаразы ареферендум азҵаара ықәыргылан лаҵара 30 рзы имҩаԥгаз аоппозициаа рмитинг апресс-конференциаҿы. Аԥшьгаратә гәыԥ иалоуп 36-ҩык, дара АКХ ахь адокументқәа аларҵеит рашәара 27 рзы.