Аԥсны аҭыԥ ԥшӡарақәа ируаку Аҷандара ахахьы ишьҭоу Ҳабҩы ашьха сынтәа аҭааҩцәа абанӡамоу, аԥхынтәи аԥсшьара аамҭа уа ишымҩасуа, аныҟәарақәа шеиҿкаау, ашәарҭадара хылаԥшра ахьынӡамоу атәы арадио Sputnik аефир аҟны еиҭеиҳәеит аекскурсиатә маршрут аартыҩцәа ируаӡәку Адгәыр Чамагәуа.
10 шықәса раԥхьа Аҷандара ахахьы иаԥырҵаз аекскурсиатә маршрут Риҵеи Ауадҳареи реиԥш аҭааҩцәа амамзаргьы, иҟоуп аԥсшьаҩцәа аҳабла Ҳабҩы ихаргало. Амшқәа ракәу, мамзаргьы ауаа рмазара иахҟьоу, аха сынтәа ауаа иаҳа акыр имаҷуп ҵыԥх аасҭа ҳәа азгәеиҭеит Чамагәуа.
"Иахьа Аԥсны аҩнуҵҟа иҟоу атурфирмақәа ҳрацәажәоит, даргьы, нас ҳаргьы ҳџьабаазы ҟәрышьк ҳзынхаразы. Ауаа ҳзеидыркылоит, ҳара уа ҳцаны иааҳгоит. Иҟоуп аҭыԥантәиқәагьы аӡәык-ҩыџьак издыруа ҭаацәала ихаланы рыԥсы аныршьо", - иҳәеит Чамагәуа.
Аицәажәара инеиҵыхны ишәаҳар шәылшоит аудиофаил аҟны хыхь.