ПИЦУНДА, ԥхынгәы 4 - Sputnik, Бадри Есиава. Аԥсны атуристтә усхк аҿиара анаҩстәи аетап аҿы ишьҭоуп ауаа рымаҵ аура ахаҭабзиара аизырҳара иҳәеит Урыстәыла аекономикатә ҿиара аминистр Максим Решетников.
"Атуристцәа ааит, аха анаҩстәи аетап аҿаԥхьа дҵаны иҟоуп амаҵзура ахаҭабзиара, аҩаӡара ашьҭыхра. Абри ашьҭахь ауп иламысцқьоу ахәԥсақәа рышьақәыргылара аналшо", - иҳәеит иара.
Максим Решетникови Аԥсны аекономика аминистр Кристина Озгани Пицунда иаҭааит. Ара хара имгакәа идыргылараны иҟоуп асасааирҭатә комплекс "Москва-Резорт". Апроект авторцәа ирҳәеит аобиект зеиԥшрахо атәы, иара аргылараан проблемақәаны иҟоу. Ари раԥхьа иргыланы афымцамчхаратә, ӡыла аиқәыршәаратә, ацрыҵцаратә система рыпроблемоуп. Кристина Озган иазгәалҭеит арҭ азҵаарақәа Аԥсны аиҳабыра шалацәажәо, акымкәа аилацәажәарақәа шымҩаԥыргахьоу.