Чхамалиа иҳәеит лаҵарамза 14-нӡа, есыҽны, асааҭ 10:00 инаркны 16:00 абитуриентцәа рҟынтә ашәҟәқәа рыдкылара аус шцало, еиҭеиҳәеит иарбан шәҟәқәоу иаларҵаран иахәҭоу. Иара убас дазааҭгылеит аҵараиурҭа аҭалараан альготақәа змоу.
"Ахьтәы, ма араӡны медалла иалгаз ирымазароуп уи изыршаҳаҭуа ашәҟәқәа. Дара апрофильтә маҭәар азы аԥышәараҿы ироур хәба, еицлабрада иахырԥхьаӡалоит. Альготақәа рымоуп аҭаацәараҿы зуалԥшьақәа рынагӡараан иҭахаз дыҟазар, аибашьра алахәылацәа дыҟазар, иара убас ахымхәацәа актәи, аҩбатәи агәыԥ ирыҵаркуа дыҟазар, ахәыҷқәа еибазар, иара убас арепатриантцәеи, арепатриантцәа рыхшареи. Еиҭа альгота рымоуп арратә мацзура зхызгаз, атәылахьчара аминистрра аҟынтә аҳәара ыҟазар ауниверситет аҭаларазы, - ҳәа иҳәеит Чхамалиа.
ААУ Аинформациеи амедиакоммуникациақәеи рыҟәша анапхгаҩы еиҭеиҳәеит, иарбан хырхарҭақәоу иҟоу аҵараиурҭаҿы, урҭ рахьынтә ҿыц иалагалоу азанааҭқәа.
Чхамалиа иара убасгьы ихәеит, аолимпиада иабзоураны 121-ы ауниверситет ԥышәарада ишахыԥхьаӡалоу.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.