Апедагогикатә ҟазара ашкол аусура аҩбатәи асезон мҩаԥысуеит. Ари апроект хықәкы хадас иамоуп арҵаҩцәа аҵарадырра ахырхарҭаҿы, иҿыцу азнеишьақәа рышьҭкаара, арҵаратә технологиақәа рхархәара.
Ԥхынгәымза 3 инаркны 8 рҟынӡа имҩаԥысуа Апедагогикатә ҟазара ашкол иалахәу рзы аспециалистцәа имҩаԥыргоит аԥсуа бызшәеи алитературеи, англыз бызшәа, аматематика, афизика, абиологиа уҳәа амаҭәарқәа рзы аҟазаратә классқәа. Дара рымҩасшьеи, арҵаҩцәа рхазы иалыркаауа адыррақәеи, ирнаҭо аԥышәеи атәы арадио Sputnik аефир аҿы еиҭарҳәеит Аҟәатәи 5-тәи ашкол аԥсуа бызшәеи алитературеи рырҵаҩы Клара Абыхәԥҳаи, 6-тәи абжьаратә школ адиректор ихаҭыԥуаҩ Хатуна Ломиаԥҳаи.
Инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.