Апедагогикатә ҟазара ашкол аусура аҩбатәи асезон мҩаԥысуеит. Ари апроект хықәкы хадас иамоуп арҵаҩцәа рзанааҭтә дыррақәа реизырҳара, аҵарадырра ахырхарҭаҿы иҿыцу азнеишьақәа рышьҭкаара, арҵаратә технологиақәа рхархәара.
Апедагогикатә ҟазара ашкол иалахәу рзы ԥхынгәымза 3-8 рзы аспециалистцәа амаҭәарқәа рзы аҟазаратә классқәа мҩаԥыргоит. Дара рымҩасшьеи, арҵаҩцәа рхазы иалыркаауа адыррақәеи, ирнаҭо аԥышәеи атәы арадио Sputnik аефир аҿы еиҭарҳәеит Аҟәатәи 5-тәи ашкол аԥсуа бызшәеи алитературеи рырҵаҩы Клара Абыхәԥҳаи 6-тәи абжьаратә школ адиректор ихаҭыԥуаҩ Хатуна Ломиаԥҳаи. Шәахәаԥш астудиаҟынтәи авидеонҵамҭа.