АҞӘА, ԥхынгәы 12 – Sputnik. Аԥсны АҶА Гагра, Гәылрыԥшь, Очамчыра араионқәа амшцәгьа ирнаҭаз аԥхасҭа аԥыхра иаҿуп ҳәа аанацҳауеит аусбарҭа апресс-маҵзура.
Аҟәа АҶА аусзуҩцәа амҩадуқәа ықәрыӡәӡәаауеит, алыкь ықәыргоит, аӡы зыҩналаз аҩнқәа аӡы рыҩныртоит.
Ԥшьымш ирықәуп Алаҳаӡы иӡыз аԥҳәыс лыԥшаара иаҿуижьҭеи. Уи рнапы алакуп Гәдоуҭа амцарцәара-еиқәырхаратә хәҭеи зышәагаа маҷу аӷбақәа рзы Аҳәынҭинспекциеи русзуҩцәа. Аиқәырхаҩцәа аԥҳәыс аӡы днанагазар алшоит ҳәа иахьырԥхьаӡо амшын аҵа ҭырҵаауеит.