АҞӘА, ԥхынгәы 12 - Spuntik. "Аԥсныҟәарахьчара" абригада Лӡаа ақыҭан Речнаиа амҩаҿы ацҳақәа ҩба еиҭашьақәдыргылоит.
Абри атәы атуризм аминистр Ҭеимураз Хышба изеиҭеиҳәеит Пицунда ақалақь ахада Руслан Хәынҵариа.
Аԥыза-министр Александр Анқәаб идҵала ақыҭаҿы аӡыршьҭра ариашара иаҿуп.
Лӡаа ақыҭа Гагра араион аҿы амшцәгьа реиҳа аԥхасҭа анаҭеит.
Араион аҿы аус ауеит амшцәгьа иҟанаҵаз аԥхасҭа ахә зшьо акомиссиа. Арзаҳалқәа рыдыркылоит аҭыԥантәи ахадарақәа рҿы.