АҞӘА, ԥхынгәы 15 – Sputnik. Москва, Басмантәи аусӡбарҭа амедиагәыԥ "Россия сегодня" аредактор хада Маргарита Симониан лышьра згәы иҭаз быжьҩык раанкыларазы аӡбамҭа аднакылеит. Абри атәы аанацҳауеит РИА Новости аӡбарҭа апресс-маҵзура ажәақәа шьаҭас иганы.
Иаанкылоу быжьҩык рҟынтәи хәҩык зықәра наӡам шракә азгәаҭоуп аацҳамҭаҿы. Аӡбарҭа аӡбамҭала иаанкылоу ахаҿқәа ҭакызаауеит цәыббра 14 рҟынӡа.
Симониан лажәақәа рыла, шықәсык иалагӡаны лышьразы ҩынтә аҽазышәарақәа ҟаҵан.
Ажурналистцәа рышьразы аҽазышәара ҟазҵаз агәыԥ алахәылацәа аанкылан Москвеи Риазантәи аобласти рҟны. Азинхьчаратә усбарҭақәа русзуҩцәа дара ирыдырбалеит автоматқәеи уи ахгәыцәқәеи, аҳәызбақәа, акастетқәа, анапеидҳәалагақәа. Аус анагӡаҩцәа миллионк-миллионк инеиҳаны ирызшәахон.