АҞӘА, ԥхынгәы 15 – Sputnik. Урыстәыла ашәарҭадаратә маҵзуреи, Урыстәыла ААР-и, Аусҭҵааратә комитети амедиагәыԥ "Россия сегодня" аредактор хада Маргарита Симониан лышьразы аҽазышәара аԥдырҟәҟәааит. Абри атәы аанацҳауеит АШәМ апресс-маҵзура.
"Урыстәыла ашәарҭадаратә маҵзуреи, Урыстәыла ААР-и, Аусҭҵааратә комитети сышьразы аҽазышәара ҟазҵоз агәыԥ ааныркылеит, уи азы адҵа рырҭеит украинатәи амчрақәа. Дара сахьцоз сахьаауаз зегьы рдыруан. Аус ҳуеит!", - лыҩуеит Симониа л-Telegram-канал аҟны.
Украинатәи ашәарҭадаратә маҵзура аусузҩцәа Симониан лыда дыршьраны иҟан ажурналист Ксениа Собчак. Аус анагӡаҩцәа миллионк-миллионк инеиҳаны ирызшәахон.
Ажурналистцәа рышьразы аҽазышәара ҟазҵаз агәыԥ алахәылацәа аанкылан Москвеи Риазантәи аобласти рҟны. Азинхьчаратә усбарҭақәа русзуҩцәа дара ирыдырбалеит автоматқәеи уи ахгәыцәқәеи, аҳәызбақәа, акастетқәа, анапеидҳәалагақәа.