АҞӘА, ԥхынгәы 18 - Sputnik. Аԥсны ахада Аслан Бжьаниа урыстәылатәии анемеци музыкатә менеџьер, акультуратә центр "Сириус" асахьаркыратә напхгаҩы Ханс-Иоахим Фраи дидикылеит. Абри атәы аанацҳаует атәыла ахада ипресс-маҵзура.
Бжьаниа агәыӷра ааирԥшит Фраии иареи реиԥылара иабзоураны Аԥсни "Сириуси" рыбжьара аусеицура арӷәӷәара ишацхраауа. Фраи иакәзар, акультуратә еимадарақәа рырӷәӷәара дшазыхиоу атәы иҳәеит.
Аиԥылараҿы ҷыдала иалацәажәеит "Сириус" аҿы Аԥсны иазку афестиваль аиҿкаара азҵаара. Уи иалахәхоит аԥсуа естрада ашәаҳәаҩцәа, ахореографиатә ансамбльқәа, атеатртә труппақәа.