АҞӘА, ԥхынгәы 17 - Sputnik. Гагратәи аӡбарҭа Цандрыԥшь 2022 шықәса цәыббра 20 рзы аҭыԥ змаз Бадра Ԥлиа иҟаиҵаз ахысразы аус иахәаԥшраны иҟоуп ҳәа аанацҳаит Апрокуратура хада.
Бадра Ԥлиа автомашьына "Тоиота" ала Анқәаб Ш. дибаразы ақыҭа агәахьы днеит. Уии Анқәаби акаҳуажәырҭа "Саучи" аҿы мышк аԥхьа ажәа еимаркхьан.
Ацәгьоура аҟаҵаразы Ԥлиа заанаҵы 16 калибр иҟаз ашәарыцага шәақь азырхианы иман. Имашьына дҭыҵны автомашьына "Хонда" иҭатәаз Анқәаб диеихсит.
Анқәаб ахы иқәымшәаӡеит. Иара амашьына дыҭҟьаны дыҩит, аха Ԥлиа даҽазнык данхыс, Анҵәаб ихи ихәдеи ашьацма рылалеит. Иара ахәышәтәырҭахь днаганы амедицинатә цхыраара ирҭеит.
Бадра Ԥлиа дыбналеит, аха цәыббра 27 рзы даанкыланы ддырбаандаҩит.