АҞӘА, ԥхынгәы 18 – Sputnik. 2023 шықәса актәи азбжазы Очамчыра араион аҿы алашараз иахырԥхьаӡалараны иҟаз аҟынтә 127 миллион мааҭ иреиҳаны ирымшәаӡеит ҳәа атәыла ахада изеиҭеиҳәеит аилацәажәараан араион ахада Беслан Бигәаа.
Фымз рыла иахыԥхьаӡалаз 142 миллион рҟынтә ишәаз 14,2 миллион роуп - 10%. Уи ахәҭак ршәараны иҟан ахатәхаҿқәа - 131,4 миллион мааҭ, урҭ рахьтә ишәан 7,4 миллион мааҭ - 5,6%.
Аиурист хаҿқәа рԥарашәаратә дисциплина еиҳа еиӷьуп, ишәатәыз 10,6 миллион рҟынтәи 6,8 миллион еизыргеит - 64% .