Задержание провели сотрудники группы угрозыска линейного управления внутренних дел на транспорте МВД Абхазии.
АҞӘА, ԥхынгәы 20 - Sputnik. Аԥсны атәылауаҩ Русҭам Чамагәуа даанкылоуп Аԥсныҟа анаркотик рацәаны иахьалеигалоз азы, абри атәы аанацҳауеит АҩАР апресс-маҵзура.
Аҷандара ақыҭа анхаҩы данеимырдоз идырбалеит аметадон згәылаз аилаҳәара, уи иара Урыстәыла иаахәаны Аԥсныҟа иалеигаларц игәы иҭан.
Чамагәуа ихарарҵоит изакәанымкәа анаркотик аахәареи, аҵәахреи, амҩангареи, Аԥсны алагалареи.
Ашьаус хацыркуп. Ашьаусԥшаара мҩаԥнагоит Аԥсны атранспорттә прокуратура.