АҞӘА, ԥхынгәы 20 - Sputnik. Аԥсны ахада Аслан Бжьаниа Нальчик имҩаԥысуа Жәларбжьаратәи атурист-патриоттә ҿартә форум "Иаку Кавказ" афорум алахәцәа аԥсшәа раҳәо дықәгылеит.
"Жәларбжьаратәи афорум "Иаку Кавказ" - аҿартә политика аусхк аҟны аусеицуреи аидеиақәа реимадареи рзы зеиӷьыҟам ҭыԥуп, уи ахықәкқәа рынагӡара иахьыԥшуп Кавказ уаҵәтәи ахаҿра - уи аҿиареи, аԥсадгьыл абзиабареи, агәыла ааигәацәа рыбжьара аиашьаратә еизыҟазаашьақәеи реизырҳара иадыргахоит", - иҳәеит Бжьаниа.
Иара инаҵшьны иҳәеит Аԥсны еснагь ишазхиоу ҳаиашьаратә Ҟабарда-Балкариатәи Ареспублика иаԥшьнаго аҵакы змоу аусмҩаԥгатәқәа рылахәра.
Аԥсны ахада иажәақәа рыла, акраҵанакуеит аҿар атуризми асасдкылара аиндустриеи рҿы рҭыԥ ахцәажәара.
"Аԥсны Аҳәынҭқарра аҿиара ахырхарҭа хадас атуризм злалнахыз ала, иазхиоуп ари афорум аҳәаақәа ирҭагӡаны, иара уи анҭыҵгьы - арегионбжьаратә, жәларбжьаратә усеицуреи аԥышәеимдареи. Аҿар иарбанзаалак ажәлар рԥеиԥш рнапы иануп, урҭ атуризм аҟны рлагала хымԥада ақәҿиареи аизҳазыӷьареи ирыхәҭакуп", - иҳәеит Бжьаниа.