АҞӘА, ԥхынгәы 21 – Sputnik. Амшынеиқәатәи афлот аракетатә катерқәа рекипажқәа аҽазыҟаҵарақәа раан аӡхыхьтә цәҟьақәа ирықәкны аӷбаҿагыларатә ракетақәа рыла иеихысуан, ацәҟьақәа зегьы ҭархан, абри атәы аанацҳауеит Урыстәыла атәылахьчара аминистрра.
"Амшынеиқәатәи афлот аҽазыҟаҵарақәа рыплан инақәыршәаны аракетатә катер "Ивановец" аекипаж аӷбаҿагыларатә ракетақәа рыла аӷба-цәҟьа иаехсит Амшын еиқәа аҩада-мраҭашәаратәи ахәҭаҿы имҩаԥысуаз аҽазыҟаҵарақәа раан", - аҳәоит адырраҭараҿы.
Аусбарҭаҿ иазгәарҭеит аицҽазыҟаҵарақәа раан афлот аӷбақәеи авиациеи аамҭала аӷбарныҟәара ахьыԥку араион аҿы рхымҩаԥгашьа аус адыруылеит, иара убасгьы аӷба-азинеилагаҩ аанкыларазы аҽазыҟаҵарақәа мҩаԥыргеит.
Акатер "Ивановец" акомандаҟаҵаҩ иажәақәа рыла, ажәыларатә гәыԥ ҩ-ӷбак рыла ишьақәгылан.