Аҭеиҭыԥш лашеи аԥшшәы рацәеи: "Apsny Star” аҩбатәи асезон аҩбатәи аконцерт

Амузыкатә проект "Apsny-Star" аҩбатәи асезон аҿы иазгәаҭоуп ԥшь-концертк, дара мызкахь знык имҩаԥысоит. Актәи аконцерҭ мҩаԥган рашәарамзазы, ацыхәтәантәи мҩаԥгахоит цәыббрамзазы. Жьҭаарамза инаркны ԥхынҷкәынмзанӡа ахԥатәи асуперсезон ҟалоит, апроект афинал азгәаҭоуп ԥхынҷкәынмзазы.

Апроект алахәылацәа еихшаны Ильда Қәычбериаԥҳа, Фаиа Мархолиаԥҳа, иара убас азыҟаҵаҩ ҿыц- Аԥсуа драматә театр актиор, ашоумен Руслан Шьакаиеи уи иԥшәма, Аԥсуа ҳәынҭқарратә капелла адирижиор Софиа Реинберги ргәыԥқәа иалоуп.

Фаиа Мархолиаԥҳа лгәыԥ аанлыжьит Елизавета Ершова. Апроект аҟны иаанхеит Елизавета Аммаева, Кристина Кәыбрааԥҳа, Леван Ԥхалаӡе, Сариа Аииԥҳа.

Руслан Шьакаиеи Софиа Реинберги ргәыԥ аҟны иаанхеит - Инна Коинова, Ерик Ҳаҭхәа, Диана Карбашиан, Нила Наҷҟьебиаԥҳа. Апроект аанлыжьит Таисиа Сердиук.

Ильда Қәычбериаԥҳа лгәыԥ аҟынтәи аиааира рҽазыршәоит апроект анаҩс иацызҵо Лаура Ҳагԥҳа, Муслим Ларго, Рената Ҳаџьиева, Гәында Абыхәԥҳа. Апроект аанлыжьит Милена Кәыҵниаԥҳа .

Аҩбатәи асезон аҩбатәи аконцерт ажиури аилазаараҿ иҟан Аԥсны Жәлар рартистка Нинель Бжьаниаԥҳа, амузыкатә продиусер Анри Гәымба. Аҩбатәи аконцерт аҟны Алхас Ферзба длыԥсахит ашәаҳәаҩ Саида Габниаԥҳа.

1 / 10

Амузыкатә проект "Apsny-Star" уаанӡа ҳреспубликаҿ идырымыз аҟазара злоу ашәаҳәаҩцәа ҿыцқәа рцәыргара иацнаҵоит.

2 / 10

Амузыкатә проект "Apsny-Star" аҩбатәи асезон аҩбатәи аконцерт мҩаԥысит ԥхынгәы 28 рзы Аҳәынҭфилармониаҿы.

3 / 10

Наставники участников проекта – Ильда Кучуберия, Фая Мархолия, Руслан Шакая и его супруга София Рейнберг.Апроект алахәылацәа азыҟарҵоит Ильда Қәычбериаԥҳа, Фаиа Мархолиаԥҳа, Руслан Шьакаиеи уи иԥшәма Софиа Реинберги.

4 / 10

Аҟыбаҩ змоу ашәаҳәаҩ қәыԥшҵәа амузыкатә композициақәа нарыгӡон еиуеиԥшым ажанрқәа рыла.

5 / 10

Аҩбатәи асезон аҩбатәи аконцерт ажиури аилазаараҿ иҟан Аԥсны Жәлар рартистка Нинель Бжьаниаԥҳа, амузыкатә продиусер Анри Гәымба, ашәаҳәаҩ Саида Габниаԥҳа.

6 / 10

Ашәаҳәаҩ қәыԥшҵәа инарыгӡоз рашәақәа хадырҭәаауан асцена архиашьеи ԥшшәы рацәала еилаз алашареи.

7 / 10

Иқәгылоз рашәаҳәашьа анаҩсгьы, рышәҵатәы иацклаԥшны иалырхуан.

8 / 10

Ахәаԥшцәа аӡәырҩы аконцерт ахь инеит иқәгылоз ашәаҳәаҩцәа рыхьӡқәа зныз аплакатқәа рыманы.

9 / 10

Амузыкатә проект "Apsny-Star" аҩбатәи асезон аҿы иазгәаҭоуп, мызкахь знык имҩаԥысуа ԥшь-концертк.

10 / 10

Жьҭаарамза инаркны ԥхынҷкәынмзанӡа ахԥатәи асуперсезон ҟалоит, апроект афинал азгәаҭоуп ԥхынҷкәынмзазы.