АҞӘА, нанҳәа 5 – Sputnik. Аԥсны ԥхынгәымзазы абиуџьет иалалеит 558,2 млн мааҭ, планла иарбан 478,5 млн мааҭ, иацҵан инагӡоуп 17% рыла, абри атәы аанацҳауеит Аԥсны Ашәахтәқәеи аизгақәеи рминистрра асаит.
2023 шықәса бжьымз рыҩнуҵҟа ареспублика абиуџьет ахь ашәахтәшәарақәа ҳәа 2 451,9 млн мааҭ алагалан, планла иарбан 1 942,2 млн мааҭ. 126% рыла иацҵан инагӡоуп.
2022 шықәса ари аамҭахҵәа иаҿырԥшны 394,2 млн мааҭ еиҳаны иацны инагӡоуп.
Аԥсны араионқәа рҟынтәи бжьымз рыла абиуџьет иалагалаз ашәахтәшәарақәа
Араион/ақалақь | Аплан | Алагалақәа |
Аҟәа | 1 036,8 млн мааҭ | 1 256,6 млн мааҭ |
Гагра араион | 425,4 млн мааҭ | 708,0 млн мааҭ |
Гәдоуҭа араион | 170,0 млн мааҭ | 196,5 млн мааҭ |
Аҟәа араион | 74,2 млн мааҭ | 92,6 млн мааҭ |
Гәылрыԥшь араион | 53,1 млн мааҭ | 68,7 млн мааҭ |
Очамчыра араион | 135,6 млн мааҭ | 65,3 млн мааҭ |
Тҟәарчал араион | 19,7 млн мааҭ | 23,6 млн мааҭ |
Гал араион | 27,3 млн мааҭ | 40,6 млн мааҭ |